Monday, May 13, 2013

අවතාරය....

තිත්ත කළුවර රාත්‍රියක...
නිවසේ තනිවම සිටින විට..
නිවසේ හෝ නිවසින් එළියේ යම්කිසි ශබ්දයක් ඇසී ඔබ එය බලන්නට යන්නේ විදුලි පන්දමක් අතැතිවය..
ශබ්දය ඇසුණු දෙසට එය යොමුකොට ඔබ ඒ කුමක්දැයි බලයි...
ඔබ දකින්නේ..
 ඔව්.. ඒ අවතාරයකි..
එවැනි අවස්ථාවක ඇති වන හැඟීම් විස්තර කිරීමට අටුවා ටීකා අවශ්‍ය නැත.. යකාටවත් බය නැති මිනිසුන් සිටියද, බොහෝ දෙනා මෙය දුටු සැනින් කුමන බාධක තිබුනත් ඒවා කඩා බිඳගෙන කිලෝමීටර් ගණන් දුවනු ඇත.. තවත් සමහරුන් සිහිවිකල්ව සිටි තැන අද වැටෙනු ඇත... හදවත් දුර්වල අය එතනම මිය යාම උවත් සිදු විය හැකිය..
මා අද වෑයම් කරන්නේ මේ නිශාචර සත්වයා ගැන පොඩි සටහනක් තැබීමටයි...
භූතයා යනු කවරෙක්ද??
ඇත්තෙන්ම මෙයට සරල නිර්වචනයක් දිය හැකි කෙනෙක් නැත. බොහෝ අය හොල්මනක්, අවතාරයක් ලෙස හැඳින්වූවද එය අසම්පූර්ණය. මියගිය කෙනෙකුගේ නැවත දර්ශනය වීමක් ලෙසින් මදක් සම්පූර්ණ අර්ථකතනයක් දීමට කෙනෙක් ඉදිරිපත් වේවි.. නමුත් මා කලින් සටහන් කල කාලය පිලිබඳ සටහන කියවා තේරුම් ගත්තා නම්, මියගිය කෙනෙකු හට නැවත දර්ශනය වීමට අවතාරයක් විය යුතුම නැති බව තේරුම් ගනු ඇත.. තවත් අයුරකින් කිවහොත්, යම්හෙයකින් ඔබට කාලය නමැති මානය තරණය කිරීමට, එය අධිගමනය කිරීමට හැකි වී, ඔබ මෙයට වසර 100කින් පමණ ඉදිරියට ගියහොත්?? එවිට එහි සිටීන අය, ඔබේ නෑදෑයන් ආදීන් ඔබව සලකනු ඇත්තේ අවතාරයක් ආකාරයට නම්!!!
නැත. එය කිසිසේත්ම සුන්දර අත්දැකීමක් වන්නේ නැත..


    එසේ නම් ඒ භූතයා යනු කවරෙක්ද??? එය නිර්වචනය කිරීම.....
මම කියවන ඔබට එය භාර කරමි...  

මීළඟට මා ඔබව එංගලන්තය වෙත කැඳවාගෙන යමි.. ඒ, භූතයින් හා අවතාර පිලිබඳ ප්‍රසිද්දියක් උසුලන භූත බංගලාවක් හෙවත් අවතාර අරක් ගත් මාලිගයක් වෙතටයි... එනම්, එංගලන්තයේ එඩින්බර්ග් මාලිගය වෙතටයි...


එඩින්බර්ග් මාලිගය.
 මෙය දැන් සංචාරක කලාපයක් ලෙසට පවත්වාගෙන යයි..මෙහි පැරණි සිරමැදිරි තුල දුක්වින්ද ප්‍රංශ ආදී විවිධ රටවල සිරකරුවන්ගේ ආත්ම හෝ එම ජීව ශක්තිය හෝ කුමක්හෝ වේවා,  මෙය තුල තවමත් සැරිසරයි.. මෙයට පැමිණෙන සංචාරකයන් අද්භූත හඬවල් ගැන, මරණ බයින් කරන කෑගැසීම් ගැන කියා ඇත්තේ වරක් දෙවරක් නොවේ.. පසුව එක් පර්යේෂණ කණ්ඩායමක් මෙහි පැමිණ නේවාසිකව පරීක්ෂණයක් පැවැත්වීය.. ඒ පරීක්ෂකයින්ටද විවිද අතවර වලට ලක්වන්නට සිදු විය. රෙදි වලින් ඇදීම, අතින් පයින් ඇදීම, නිදාගත් ස්ථාන වලින් බිමට තල්ලු කිරීම, එක එක ශබ්ද ඇසීම ආදිය ඉන් සමහරකි. පසුව මෙය අවතාර ගැවසෙන ස්ථානයක බවට පිළිගන්නා ලැබීය...

     අවතාර දර්ශන වලට බොහෝ ප්‍රසිද්ධ ස්ථානය, සොහොන් බිම්.. අප රටේ ඉපැරණි කාලයේදී මිනී එක්කෝ පුච්චනු ලැබීය. නැතහොත් කලේ රෙද්දක ඔතා අමු සොහොනේ දැමීමය. නැතහොත් කැලේ ගැසීමය. මෙම සොහොන් පොළවල් අසල අවතාර ගවසීම් බොහොමයක් වාර්තා වී ඇත. අප රටේ මෑතකදී නිපදවූ "බහුභූතයෝ" නම් චිත්‍රපටයක්ද මේ අවස්ථාවේ මට මතක් වේ.. මෙම සොහොන් කුටි හා සොහොන් කොත් ආශ්‍රිතව හොල්මන් කොතරම් ජනප්‍රියතාවක් අත් කරගෙන සිටිතිද කිවහොත්, තවමත් ලංකාවේ (ලෝකයේම තත්වය මෙය වීමටද හැකිය) බොහෝ පලාත්වල අඳුර වැටුණු පසු තනිවම සොහොන් පිට්ටනියක් ආසන්නයෙන් ගමන් කරන්නේ එක්කෝ හිත හයිය "යකාටවත් බය නැති" ටයිප් එකේ කෙනෙක් වන අතර නැතහොත් කට ගොන්නක් බීගත් පුද්ගලයින්ය..
     කෙසේ වෙතත්, සොහොන් බිම් ආශ්‍රිතවද අවතාර ගැවසෙන බව පර්යේෂණාත්මකව තහවුරු කර තිබේ. පහත ජායාරූපය එයට නිදසුනකි.. මෙම ජායාරූපය ගන්නා අවස්ථාවේදී මෙතන හෝ මේ අවට වෙන කිසිම කෙනෙක් සිට නොමැති අතර, ජායාරූපය සුද්ද කල විට, සොහොන් කොතක් මතට වී කල්පනාවක නිමග්නව සිටි මෙම කාන්තාව දක්නට ලැබී ඇත!!! 
   ශ්‍රී ලංකාවෙන් බිහි වූ විශිෂ්ට ගණයේ මහාචාර්යවරයෙක් වන නන්දසේන රත්නපාල ශූරීන් විසින් මේ විෂය අලලා බොහෝ පර්යේෂණ කර ඇති අතර ඒ පිලිබඳ පොත් ප්‍රකාශනයට පත් කිරීමද සිදු කොට ඇත. එමෙන්ම තවත් විද්වතෙකු වූ ආචාර්ය ග්‍රැන්විල් ධර්මවර්ධන මහතා කල පර්යේෂණ කටයුතු අලලා ලිපි පෙළක් මේ දිනවල ඉරිදා ලංකාදීප පත්‍රයේ පළවනු සති කිහිපයක් මුළුල්ලේ දුටිමි. මෙම විද්වතුන් දෙපොළගේ පර්යේෂණ සටහන් කිහිපයක් වෙනත් පොත්පත්වල තිබී කියවීමේ භාග්‍ය මටද ලැබුණු බව මම සඳහන් කල යුතුය. අවාසනාවට මහාචාර්ය නන්දසේන රත්නපාලයන් අද අප අතර නැත...
   අවතාර පිලිබඳ සටහන් කිරීමේදී අමතක කල නොහැකි චරිතයක් වන්නේ අයිරිෂ් ජාතික ලේකඛ බ්‍රෑම් ස්ටෝකර් විසින් නිර්මාණය කරන ලද "ට්රාන්සිල්වෙනියාවේ ඩ්රැකියුලා සිටුවරයා" නම් චරිතයයි.. මේ කතාවට අනුව මොහු තම ආත්මය යක්ෂයාට බාර කල ඉපැරණි රජතුමෙකි. මෙම ට්රාන්සිල්වෙනියාව පිහිටා ඇත්තේ රුමෙනියාවට ආසන්නයේය. ඒ අනුව මෙය සත්‍ය ප්‍රදේශයක් පසුබිම් කරගත් කතාවක් ලෙස සැලකිය හැක. මොහු එංගලන්තයට සංක්‍රමණය වීමට යන විට ඊට එරෙහිව ක්‍රියාත්මක වන මහාචාර්ය වෑන් හෙල්සින්ග් වනාහි ඕලන්ද ජාතික වෛද්‍යවරයෙකි.. ඔහුට අනුව මෙම හොල්මන් සහ අවතාර කන්නාඩියක් තුලින් දැකගත නොහැකි අතර, ඔවුන්ගේ හෙවනැල්ලක් නොවැටේ. දහවලදී අක්‍රීය වන මොවුන් එලියට පැමිණෙන්නේ රාත්‍රියේදීය.. දහවල එසේ අක්‍රීයව සිටින විට හදවත පසාරු කරගෙන යන සේ ලී උලක් යැවීමෙන් මොවුන් නිහඬ කල හැකිය.
   මේ කාලයට පසු කාලයක නිර්මාණය වූ තවත් ප්‍රබන්ධයකින් මෙම සිටුවරයා සුප්‍රකට රහස් පරීක්ෂක ෂර්ලොක් හෝම්ස් සමග පටලවනු ලැබුණි. එම කතාවේදී සිටුවරයා හෝම්ස් හමුවේ තම බලය පිලිබඳ මෙසේ සඳහන් කර සිටී..
මේ අහනවා හෝම්ස්.. භයානකම දේ මරණය නෙවෙයි.. ඊට වඩා අන්ත භයානක, ඒ වගේම පිළිකුල් සහගත දේවල් තියනවා. දවල්ට මගේ බලය සීමිතයි.. ඒත් රෑට එහෙම නෙවෙයි.. සීතල මිනී වලවල් වලින් උන් නැගිටිනවා.. පෝරකයට ගිහින් මැරෙන උන් ඉන්නේ ඒ අතර. ඒවාට මම කටවචනයෙන් අණ කලයුතු නෑ.. මම වචනයෙන් නොකිව් උපදෙස් පිට ඒවා ඒකරාශී වෙනවා..."     
    මේ කතාවේ තව දුරටත් සඳහන් වන්නේ ඩ්රැකියුලා සිටුවරයා පැමිණි අසබඩ ඇති වෙන දැඩි සීතල ගතියයි.. එය ඔවුන් ලගිනා මිනී වලවල් තුල ඇති සීතලය.. ඔබටත් යම් හෙයකින් අසාමාන්‍ය සීතලක් දැනුනහොත්...
      ඔව්.. විමසිලිමත් වන්න.. එය යම් අමනුෂ්‍යයකුගේ ආගමනය පිලිබඳ කෙරෙන සලකුණක් විය හැකියි...
ඩ්රැකියුලා සිටුවරයා ලේ උරාබීමෙන් අනතුරුව..
       අවතාර හා බූතයින් එක එක වෙස් ගනී.. හැඩයක් නොමැති මීදුමක්, වැලි කුණාටුවක්, සතුන්, මිනිසුන් ආදී ලෙස එය වෙනස් වනු ඇත. තවත් විටක ඔවුන් දර්ශනය වන්නේ යන්තමින් විනිවිද පෙනෙන මනුෂ්‍ය හැඩය ඇති දුමක් වැන්නක් ලෙසටය. එවැනි අවස්ථාවකි පහතින් දැක්වෙන්නේ...


    අවතාර ගැන කතා කරන විට අමතක කල නොහැකි තවත් මිනිසුන් කාණ්ඩයක් වන්නේ සමුද්‍ර යාත්‍රිකයින් හා අහස්යාත්‍රිකයින්ය. ලෝක යුද සමයේ ජර්මානු නාවික හමුදාවේ සවිය වූ යූ බෝට්ටු ගැන අසා නැති කෙනෙක් නොසිටිය හැක. යූ බෝට්ටු යනු ජර්මානු හමුදාව භාවිතා කල සබ්මැරීන විශේෂයකි.. මෙම යාත්‍රා කාණ්ඩගත කරනු ලැබුවේ U අක්ෂරයෙනි. මෙයින් U- 65 දරන යාත්‍රාව ගැන බොහෝ අභිරහස් සිදු වීම් වාර්තාගත විය. එය නිෂ්පාදනයේ සිට, ප්‍රථම පරීක්ෂණ ධාවනය සහ අවසානයේ අද්භූත අයුරින් මුහුද මැදදී පුපුරා යාම දක්වා සැම ගමනකදීම අවතාරයක් කොහේ හෝ සිට මෙහි කුමක් හෝ අවුල් කල අතර (මෙවැනි හිංසාකාරී භූතයින් බටහිර විද්‍යාවේදී Poltergeist යනුවෙන් හඳුන්වති) , එයින් එහි නිලධාරීන්ට ජීවිත වලින් පවා වන්දි ගෙවීමට සිදු වූ පුවත්ද, ඉන් පසු එම නිලධාරීන්ද භූතාත්ම බවට පත් වූ ආකාරයද තවමත් පැහැදිලි නොකළ ඉතිහාස කතා ගොන්නට ඇතුලත්ව ඇත...  තවද මුහුද මැදදී අනතුරට ලක් වන්නට යන නෞකා බේරාගැනීමට අමුතු ඇඳුම් හැඳි නාවිකයින් යයි සිතිය හැකි අයගෙන් උදව් ලැබුණු ආකාරය ගැන කතාද ලොග් පොත් වල ලියවී තිබේ..
     අහස්යාත්‍රිකයින් ගැන සඳහන් කරද්දී මේ ගැන පොතක් ලියූ මාටින් කැයිඩින් නම් ඇමෙරිකානු ජාතිකයා අපට අමතක කල නොහැක. එහි ඔහු, වර්ෂ ගණනාවකට පෙර මියගිය නමුත්,, ධාවනපථ දිගේ ඇවිද යන, ඔවුන් දෙස ගල්ගැසී බලා සිටින අන් නියමුවන් සමග පැහැදිලි බසින් කතා කල අය ගැන සඳහන් කර තිබේ.. එම පොතේ සුළු කොටසක් කියවීමට සබැඳියක් පහත දක්වා ඇත..
    අවතාර හා භූතයන් ගැන කියද්දී ශ්‍රී ලංකාවේ සඳහන් වන විවිධ යක්ෂයින් පිලිබඳ සඳහන් නොකලොත් එය අඩුවකි. ශ්‍රී ලංකාවේ මන්ත්‍ර ශාස්ත්‍රය තුලින් බොහෝ යක්ෂ යක්ෂණියන් පිලිබඳ තොරතුරු දත හැකිය.. ඒ අතර, කළු කුමාර යක්ෂයා, රීරි යක්ෂයා, කෝල සන්නියා, බෝදිරිමා (මෙනමින් සිටින කටුසු වර්ගය නොවේ), ගරා යකා ආදී ප්‍රධාන යක්ෂයින්ද, පිල්ලි යැවීම පිණිස මිනියට පන ඉපදවීමට ගෙන්වාගන්නා යක්ෂයින්ද ඇතුළුව බොහෝ ගණනක් දැක්විය හැකිය. එහෙත්, මෙම ක්‍රියා ඉතා අන්තරායදායක වන අතර, වැරදීමක් සිදුවුවහොත් තමන් ගෙන්වාගත් අවතාර අතින්ම සිය පන නසා ගැනීමට සිදු වීම අනිවාර්යය..
    ඉතින් දැන්..
මෙම හැම තැන හැසිරෙන භූතයා අර්ථ දැක්වීමට කාලය පැමිණ ඇත.. එහෙත්,, ඒ කෙසේද?? මම එය නොදනිමි.. එය අර්ථ දැක්විය හැක්කේ එවැනි දේට මුහුණ දී, අත්දැකීම් ලද යට පමණක් බව මගේ විශ්වාසයයි.. එය අර්ථ දක්වා සාමාන්‍යකරණය කර තිබේ නම් අප භූතයන්ට තව දුරටත් බිය විය යුතු නැත..


අප සත්‍ය වශයෙන්ම බිය විය යුත්තේ මළගියඅයට නොවේ.. ජීවත්ව සිටිනා අයටය...


ආශ්‍රිත ලිපි ලේඛන..
1. අවතාර- ජේ. ආර්. සමන්මංජුල.
2. අන්තර්ජාලය- විකිපීඩියා වෙබ් අඩවිය සහ ගූගල් සෙවුම් යන්ත්‍රය..
3. විදුසර, ලංකාදීප පුවත්පත්.
4. Ghost of the Air- True Stories of Aerial Hauntings- Mr. Martin Caidin.

13 comments:

  1. Mekanum supirima supiri post ekak
    menna mag pranamaya __/\__
    sinhala holman kata tyena links tikak dapanko plzzz

    ReplyDelete
    Replies
    1. Thanks wewa!
      Meka poddak awl una. Madin font colour maaru wela. Passe hadannam. Holman neda...
      Link one na, kannaadiyak issarahata palayan :-P

      Delete
  2. හොඳ ලිපියක්, අඟහරුවෝ. ඔය ‍අපේ ඇහට නොපෙනන පෙරේතයෝ, දෙවිවරු වගේ ජීවීන් ඉන්න බව බුදු හාමුදුරුවෝ වුණත් කියලා තියෙනවා. ඒක නෙමෙයි, මේක මැද හරියේ පේළි 2 ක් 3 ක් කළු පාට අකුරින්මයි තියෙන්නේ. පොඩ්ඩක් හොයලා බලලා නිවැරදි කරන්න.

    ReplyDelete
    Replies
    1. Thanks hamadaama enawata!
      Ow. Eka hadannam. Podi waradeemak.
      Dewiyo, prethayo ganath idiriyedi daanna balaaporoththu wenawa.

      Delete
    2. ඔන්න එක නිවැරදි කලා.. නැවතත් ස්තුතියි එක පෙන්නලා දුන්නට! දිගටම ඉන්න අපිත් එක්ක හොඳේ??

      Delete
  3. වටිනා ලිපියක් අඟහරු. මැද හරියේ කළුපාටින් තියෙන්නේ අපිව තව ටිකක් බය කරන්න වෙන්න ඇතිනේ.:)

    ReplyDelete
    Replies
    1. E adahasath narakama naa neda? Ethana podi printing mistake 1k..
      Thanks hamadaama wage enawata. Digatama enna!

      Delete
  4. අගහරුවෝ මෙතෙක් ආ ඔබේ හොදම පෝස්ටුව මෙයයි..ඉතාමත් වටිනවා...

    ReplyDelete
    Replies
    1. Bohoma sthuthyi!
      Mama meka daanawada nadda kiyala hitiye. Ara kalin post 1e Janithge Comment 1 dakala thamayi daanna hithune.

      Delete
  5. මාත් ආවා අඟහරු ලෝකේ පැත්තේ. එනකොටම අවතාර ගැන ලියලනේ :0 හරිම කුතුහලාත්මක විෂයක්.

    ReplyDelete
    Replies
    1. Bohoma sthuthyi akkath me paththe aawata! Saadarayen piligannawa mage loketa!
      Ow awathaara kiyanne nam mama saahenna aasa wishayak thamayi!
      Digatama me paththata enna honde!

      Delete
  6. උඹේ වයසේ හැටියට සුපිරිම කතාවක්ය. දැන් නම් ටෝච් ඕනා නැතිය. ඉස්කෝල වැඩ වලට මුල් තැන දී මේවා විනෝදයට කලාට අවුලක් නැතිය..

    ReplyDelete
    Replies
    1. Aawaata bohomath sthuthiya. Saadarayen piliganimiya. Kiyewwata comment karaata thanksya. Eseya eseya iskole wada paadu karaganne natha.
      Nawathath ennaya.
      :-)

      Delete