සති දෙකක නිහැඩියාවක් තිබ්බේ මම අන්තිමට දාපු පෝස්ටුවෙන් පස්සේ සති දෙකක නිවාඩුවකට රත්නපුරේ බලා පිටත් උනු හින්ද. මේ තියන්න යන්නේ අන්න ඒ ගමන ගැන පොඩි සටහනක්..
2012හෙ ඔක්තෝබර් 14 වෙනිදා ඉරිදා මම උදෙන්ම ලැස්ති වෙලා හිටන් ගෙලිඔයේ දුම්රිය නැවතුම්පොළට ගියා නුවර යන්න දුම්රිය අල්ලගන්න.
මෙන්න මෙයා ආව මාව නුවර එක්කන් යන්න.
![](https://blogger.googleusercontent.com/img/b/R29vZ2xl/AVvXsEjKjE_j8rsFKfKeUjGd5lkLldmOlzNd0BKQBzUA-cPWBs0W3oatlBfxqgoxrku9iWV7uhDHTPfloZUZcvjGvvG9KB6ri5sS_3W21MRNPPLA31DXaGiCblVCi37jilrLOPEUfnvD1oojyRMk/s320/141020121275.jpg) |
W3-659 |
නුවරින් එහාට රත්නපුරේ බලා යන්න දුම්රියක ගිහින් බැහැ. ඉතින් මට තිබ්බ අනික් විකල්ප ක්රමේ උනේ බස් රථය. මම ගියා ලංගම බස් නවත්තන තැනට. ගිහින් බැලුවම තියනවා එකක් 8.30ට. ආය හොය හොයා හිටියේ නෑ නැගල අයිනක් අල්ලාගෙන ඉඳගත්ත. මෙයා ඉතින් හරියටම 8.30 වෙද්දී ඇද්ද. ඔහොම ගිහින් දෙහිඔවිටදී නතර කළා තේ බොන්න. ඔය පැත්තටත් ඉස්සර පටු දුම්රිය මාර්ගයක් ගිහින් තියනවා කොළඹ ඉඳල අවිස්සාවේල්ල හරහා ඇවිත් යටියන්තොටට. මේ පාරේ නෂ්ටාවශේෂ තවමත් දකින්න පුළුවන්. එන්න ඒ වගේ පාලමක් තමා මේ පහලින් දාල තියන්නේ
![](https://blogger.googleusercontent.com/img/b/R29vZ2xl/AVvXsEhdVu0J6CtikcEdEfaJNj4Ip7dFBD1Phko3dXNoW345eg-MaDbhWzvpCRW2aOlatoKl7N9kA_c_jfC9kk0UhkXdYsamLcTr0OhUjbEURZxIE0rSTGeuliLtIBqeFGHGVUb8zR5HfPQ-Sgx7/s640/141020121277.jpg) |
දෙහිඕවිට පාලම. |
එතනින් පිටත් වෙලා කොහොමින් කොහොම හරි 12.30 වෙද්දී මම කොස්පැළවින්නෙන් බැස්ස. එතන ඉඳල කිලෝ මිටරේකට ආසන්න දුරක් පයින් ගිහින් නැන්දලාගේ දිහාටත් ගියා..
එදා එහෙම ඉඳල පහුවදා ඉතින් බයිසිකල් එක එහෙම හදාගෙන ගියා ඒ පැත්තේ සිරි නරඹන්න. ඔය කොළඹ ඉඳන් ඕපනායකට ගිය පටු දුම්රිය මාර්ගය, එහෙමත් නැත්තම් දැන් ගොඩක් අය හඳුන්වන විදිහට "කැළණි වැලි පටු දුම්රිය මාර්ගය" වැටිලා තිබුනේ අපේ නැන්දලාගේ ගෙවල් ගාවින්. ඉස්සර ඒ හරියේ "කොස්පැවින්න" කියල දුම්රිය ස්ථානයකුත් තිබිල තියනවා. මේ ලඟක් වෙනකල් ඒකෙ වැසිකිලි ටික එහෙම්මම තිබුන. ඒක අද දකින්නත් නෑ.
![](https://blogger.googleusercontent.com/img/b/R29vZ2xl/AVvXsEim28bkqVXhR1qfwsb49oYQhxrh42kXgLxgb3JA_LFvZjvXZo9sHVWGCmaM7bGF7asWPhCqwGb_e4LS1ki3piA3R7V8SN7hyphenhyphenSnz1As6KKluJdttXFbxTKEmlKmT_D8340c7EZLweJHwOY8G/s640/151020121291.jpg) |
හිතාගන්නකෝ කොතනද ස්ටේෂම තිබ්බේ කියල. |
| |
මේ පාර දිගේ මේ විදියට රත්නපුර ඉඳල කුරුවිටට යනකල් යන්න පුළුවන් වෙන්න තාර/ සිමෙන්ති දාල හදල තියනවා. පරණ දුම්රිය පාලම් උඩිනුත් සිමෙන්ති දාල වාහන යන්න පුළුවන් විදියට හදල තියනවා. මේ තියන්නේ පොල්හේන්ගොඩ කළු පාලම කියල හඳුන්වපු රේල් පාලම.
![](https://blogger.googleusercontent.com/img/b/R29vZ2xl/AVvXsEj1zRzM3WfyM5QWtLSP4dyrB7-ieDXiBEAz7L8zWMI1qzxJffgmnpJDZRq-Dc4svOM4NRFQtJkVo3Sb_ooCQ_2zfLMLs3uha5URAoEelCdgySsm6jvfIfy4kVzXDGwY6ShSHOLCVxYcm19w/s640/151020121285.jpg) |
පොල්හේන්ගොඩ කළු පාලම. | |
|
මෙතනින් පිටත් වෙලා මම කුරුවිට පැත්තට යන්න හැරුනා. මේ තියන්නේ ඒ යද්දී ගත්තු ෆොටෝ..
![](https://blogger.googleusercontent.com/img/b/R29vZ2xl/AVvXsEj1e_Lx4KgkDscm55RxkdAXNxRvABOuz3tsRRtChLz_SKn5_Q-3XrBnGWjsBPI6-gjIy2ZPt3WViYP0nxSpvT1dpnqVvQWfFfM_dgVOSaUtboOGE-0Aa0Mq2R0c1N2303yxTp7xpilTn4P9/s320/151020121297.jpg) |
මේ තියන්නේ තවත් පාලමක්. මේක උඩින් යන්න ගිහින් තව පොඩ්ඩෙන් මම උඩින්ම එහා ලෝකෙට යනවා. ඒ ඉතින් ගිය වේගේ මදි වෙලා.. :-D |
මේ ගමන ගිහින් එද්දී ඇඟට නිකම් හෙන ගහල වගේ.. ඔය ගෙදර ලඟ තියනවා කටු ගස් ඇල්ල කියල දිය ඇල්ලක්. ඉතින් ගෙදරිනුත් අවසරේ අරන් මම ගියා ඕකෙන් හොඳට නාගෙන එන්නම් කියල.
![](https://blogger.googleusercontent.com/img/b/R29vZ2xl/AVvXsEjzi7V_ezqQgCEDM-fT4Q9biTG7RcUFCzlgWcU2IIlBMhyU6i_jZnMBCv7pyhi60u9_C71AN0dSzfN-Ygyxs9WCOLUs70ApV85_ECaJCO3wyxAqLlikIfwhkNu22HEVXHP9dgoPevVA-3Gl/s320/191020121344.jpg) |
ඔන්න ඕක තමා දිය ඇල්ල.
ආ නෑ නෑ දිය ඇල්ලේ එක කොටසක්.. |
මෙතන ඉතින් උඩහට ගිහිල්ල එහෙම ඇවිත් පැයක් හමාරක් නා ගත්තා. දැනුනෙවත් නෑ වෙලා යනවා. .............................................................................
ආයෙත් දවසක පිටත් උනා රේල් පාර දිගේ නැතිව වෙන පැත්තකට යන්න. එදා මේ දිය ඇල්ල එහෙම පහු කරගෙන ඒ පාරේ ටිකක් ඉස්සරහට ගියා. එතකොට හම්බුනා රත්නපුරේ ග්රිඩ් උපපොළ. එතන ජායාරූප කිහිපයක් අරගෙන තවත් උඩහට යද්දී පුංචි විදුලි බලාගාරයක් හම්බුනා. මේ තියන්නේ ඒ දෙකේ පින්තූර.
![](https://blogger.googleusercontent.com/img/b/R29vZ2xl/AVvXsEhI9VBGG4pwl1-0NjqtzElHg2rhZ9Sq2iiKMSJ3pd4emR2Cnx5Zy1ql4MbeNyDQKwUV9fqrGjF6hrSrIEWGWmfzv3CZBYiAM3Kwj8wpPasJFcJpaWqgzT8l9QsK_r03W-nUwPt20Gj33x7k/s320/181020121318.jpg) |
රත්නපුර ග්රිඩ් උපපොළ. |
![](https://blogger.googleusercontent.com/img/b/R29vZ2xl/AVvXsEizehLNeG22HhoQtmCZgvmkW7c7jkbZ6Vuj0SFS3zveXKh1D9GV6dTykYnAFR1WmNikAWjb3Ns1LceITDSpSG_jFgNqCt92kyEetKwzxQ35QSxHP9a3ZpWFJWcLpT31dtRF-B5oAc8viKfL/s320/181020121321.jpg) |
කිලෝ වොට් 115වේ විදුලි බලාගාරය. |
ඔය ඔක්කොම බැලුවට පස්සේ ආය ඉතින් මෙහෙ ඇවිදින දුරින් කියල බලන්න දෙයක් නෑ. ඉතින් ඊළඟ සති අන්තේ මම එහෙ මල්ලිලා දෙන්නත් එක්ක ගියා රත්නපුර කෞතුකාගාරේ බලන්න. එතන නම් පින්තූර ගන්න හම්බුනේ නෑ.. එහෙ ඉද්දි කරපු අනිත් කටයුතු තමා බයිසිකල් පැදීම. ගම වටේ ගියා. අන්තිම දවසේ පරණ දුම්රිය මාර්ගය දිගේ යන්න ගිහින් ගිය වේගේ මදි වෙලා පාලමකටත් උඩින් ගිහින් වැටුන :-D
ඒ ගියේ ඇල්ලේ ගෙදර කියල තව දිය ඇල්ලක් බලන්න. මේ ඒක.
![](https://blogger.googleusercontent.com/img/b/R29vZ2xl/AVvXsEjSmIOB7kGw3xVYh8FCortYZLv-boAi7PQTcxxKZei47WuED7Ooxjv94zPBjNPwWSy3QstCup1x9E4qy8ZBuLww1H_O83PgzRLxEEXT060Yu-SnO4ykisZpAZHFag3whHZuD-6It4proSPE/s320/261020121442.jpg) |
ඇල්ලේ ගෙදර.
|
වැටිලා කකුලක් ලෙලි ගිහින් තිබ්බ නිසාත්, රෑ උනු නිසාත් මේකේ උඩට නගින ඒක ආයේ ආපු දවසක කරන්න හිතාගෙන අපි ආපහු ආව. මේ ඉතින් එහෙදි ගත්තු පින්තූර ටිකක්.
![](https://blogger.googleusercontent.com/img/b/R29vZ2xl/AVvXsEhAz5BVDg80k1K1E8COXIpQRGSymrcCd8SE0mlseU5YYeiITnXeOtjnlrbhp2UWSU3VFX-zz5AWPneonZJtfpedqGFNMULzjNJ7A2v2uBggY-WWE9qgrY-fTovXVWtTJv9pirZGP8qXukhn/s320/181020121327.jpg) |
මහවෙල තේ ෆැක්ටරිය. |
![](https://blogger.googleusercontent.com/img/b/R29vZ2xl/AVvXsEhne3VMNPm0f1T4aQ3iDNSvYtlWBNOFKaRD92usvsUOopr7VXPtWzn8bQo6UBWiAkrBoo5cvhSRBvPqR8axZi02LCHxpUCxDI6ZGdpYRavKB-lFNPf_wCZjo3m4OCQoe8HZKhPqaU547ouU/s320/251020121420.jpg) |
බලන්නකෝ හවසට ගෙදර යන අපූරුව. |
![](https://blogger.googleusercontent.com/img/b/R29vZ2xl/AVvXsEh8HqWszXRk8wUYHBrapynyymwudlmuQQ8vH4IQ8C39NRL1AmmS9OrAmlHUVOi7WYAyF5X9UMTPngPO-WxX8swjArzN9czq6tUq4Vwnoa8jvtp86bx03xUvTcrmdiXLRD1FWVi99TgJYRJA/s320/191020121329.jpg) |
මේ ඇවිල්ල දුම්රිය මාර්ගය තිබ්බ කාලේ හිටවපු මායිම් කණුවක්. |
![](https://blogger.googleusercontent.com/img/b/R29vZ2xl/AVvXsEg0cHQtrfZU4MR0ZCcdEUSqhHeIm0KDhxqJJoPv9wue-Q91SskxhwpAOGJo0hrGvHAm2Iyfa5JWEl0BDbICR4UuwMuLoCr8cjMLmvr-CzHBrMhWFNrUplSgl43D5Iz_S8GwN8pq3Y6mFOPI/s320/221020121392.jpg) |
ඔය කඳු තුනෙන් මැදින් පේන එක තමයි සිරි පාද කන්ද. ඕක අහු වෙන්නෙත් පරණ කෝච්චි පාර දිගේ යනකොට තමයි.. |
![](https://blogger.googleusercontent.com/img/b/R29vZ2xl/AVvXsEgS7F3P1YVr8RluDI_lsbsiFPWBFyrYf7JH5eKjmO3vl1aFSI2tGgCsm9v9_j3IBtP42r0g_Otg2KrWyFiD-7zBwnltibbOc4CZtP3Jpt3de76NxAHv0JTVDyMjZUoWVQw-C_n-UVxbwpby/s320/211020121390.jpg) |
මේ මමතුමා පරණ කෝච්චි පාර දිගේ යන ගමන්. මේක ගත්තේ එහෙ ගෙදර මල්ලි. |
|
ඔක්කොම පිස්සු ටික නටල ඉවර වෙලා සති දෙකක් සැප සේ ඉඳල ඉතින් එන්න පිටත්
උනා.. ඒ එද්දී මගදී රුවන්වැල්ල හරියේ ඉඳන් මහා ධාරානිපාත වැස්සකට අහු උනා.
ඉතින් මෙහෙම රෑ වෙලා යන ඒක ටිකක් අනතුරුදායක නිසා අපි එදා, ඒ කියන්නේ 27
වෙනිදා ගමන මාවනැල්ලෙන් නැවැත්තුව. මේ උදේ ඒ ගෙදරින් එලියට බැහැල බලපුවාම
දැක්ක දේ..
![](https://blogger.googleusercontent.com/img/b/R29vZ2xl/AVvXsEjhczZhhfHCkK5C7r1EcYwDP4G4VUQAxYLxAcS44APCmDEjUwtOcP5sYbrNiMj8i0jNFbAMRvvR8245dys2R1Na2MhbRfvuRs-Ug-RQTeX4bntuc_2yle3HQ38JTl3i5pFXfn3MHJ1kC3FC/s320/281020121464.jpg) |
මාවනැල්ලේ ගෙදරට පේන කඳුකරයේ දර්ශනයක්..
. |
ඊළඟ දවසේ, ඒ කියන්නේ 28වෙනිදා ඉරිදා, අපි අපේ ගෙදරට ආවා..
![](https://blogger.googleusercontent.com/img/b/R29vZ2xl/AVvXsEhb1eawL6e9PRGQ0ch253lfLlKm3x6ygSJBXg1g7g6RWFn3bcaOi_tBfYBOxHEdISXflbTxsJvHchboJ3W-JSMYmBTaagukxdBcmetLsP5eJAPfxawT8NOw8A2wiYz4KgMXLrWA4aarn3LG/s320/291020121473.jpg) |
ගමන අවසන් කර අපේ ගෙදරදී.. |
දිගටම ලියමු මල්ලි...
ReplyDeleteමම නවෝද!
තැන්කු මේ පැත්තේ ආවට!! අනිවාර්යෙන් අතේ පන තියන තුරා ලැපේ බැටරි තියෙන තුරා මම මේ ලොව ඉන්න තුරා මම මේක ලියනවා..
Deleteනියමයිනේ.අපේ ගෙවල් පැත්තෙන් ගිහින් තියෙන්නේ. <3 ලස්සනට ගමන් විස්තරය දාලා
ReplyDelete