Sunday, April 14, 2013

අලුත් අවුරුදු ඉස්පෙෂල්...

ඔන්න ඉතින් නව වසර උදා වෙන්න කට ළඟ තියල ආව බ්ලොග්ගේ පැත්තේ....
ඔව් බොලව් අපි අඟහරු උනත් මහා රෑ පන්සල් යන සිරිතක් නෑ.. ඉතින් එක හෙට උදේට කල් දාල ආව පොඩ්ඩක් කැරකිලා යන්න කියල. එළියේ මහා ධාරානිපාත වර්ෂාවක් අද හැලෙනවා.. ඒක හරියට වැස්සකටත් වඩා අහසින් වැටෙන දිය ඇල්ලක් වගේ.. ෆොටෝ නම් නෑ ඉතින් මේ ලෝකේ එහෙම තාක්ෂණයක් නෑනේ රෑ උනත් දවල් වගේ තියෙන්න ෆොටෝ ගහන්න.. හරි හරි ඒවායින් මේවයින් වැඩක් නෑ.. කියන්න ආවේ අද පොඩි පහේ කෑමක් හදන විදිය ගැන.
මේක මේ මමයි අපේ මලයෙකුයි පොඩි එඩිට් පාරක් දාල පස්සේ අපේම කරලා ගත්ත රෙසිපි එකක්.. මමත් ඉතින් ඔය ලෝක සංචාර කරනවටයි, කෝච්චි ගැන බලනවා හොයනවටයි එහෙම අමතරව පුංචි විනෝදාංශයක් වශයෙන් එක එක ජාතියේ කෑමත් හදල කාල බලනවා.. කලින් දැම්ම අපේ ක්‍රමයකට මැගී සෑදීම කියන සටහන කියවන්න ඇතිනේ කට්ටිය? ඒත් ඉතින් අපේ මාරයාතුමා තරම් නම් ඉතින් මම උයන්න දන්නේ නෑ.. ආය බොරු කියන්න ඕනෙය..
අද මම කියන්න යන්නේ සෝයා ටිකක් වෙනස් ක්‍රමේකට හදාගන්න හැටි. මේක ඉතින් මංතුමාගේම ක්‍රමයක්.

මේකට ඕනේ වෙනවා-
1. සෝයා පැකට් එකක් (මම නම් ගත්තේ ලංකාසෝයි එකක්)
2.උණුවතුර කේතලයක්.(උතුරන වතුර සමග)
3.පොල්තෙල් මේස හැඳි 6ක් පමණ.
4.සුදු ළූණු බික් 2ක්, ලොකු ළූණු මධ්‍යම ප්‍රමානයේ අලයක්,
5.තුනපහ, කෑලි මිරිස්, ලුණු කුඩු, ගම්මිරිස් කුඩු අවශ්‍ය පමණට, *
6.රම්පෙ කරපිංචා, අමු මිරිස් කරල් දෙකක්,
7.අවශ්‍ය නම් ලීක්ස් ගහක්,
8.හැකි නම් උම්බලකඩ ස්වල්පයක්,
9. අබ ස්වල්පයක්,
10.වියලි මිරිස් කරල් 2ක්,
11.හොඳට කැපෙන පිහියක්,
12.තාච්චියක් හෝ නොන්-ස්ටික් පෑන් එකක්,
13.පොල් කටු හැන්දක් හෝ මොන මගුලක් හරි කලවම් කරන්න එකක්,
14.ලිපක්,
15. කුස්සියක්. :-D

*ඔය සමහර සොයා පැකට් වල ඇතුලේ තුනපහ මිරිස් පැකට් එකක් තියේ. එහෙම තියනවා නම් ඒ ගාන බලල විතරක් මිරිස් තුනපහ දාන්න. නැත්තම් අර චීන්නු මෙහෙ ඇවිත් මිරිස් මාළු කනවා වගේ තමා කන්න වෙන්නේ :-D

මෙහෙමයි හදන්නේ-:
     පළවෙනියට සොයා පැකට් එක කඩල, එකේ ඇතුලේ තව පැකට් එකක් තියනවා නම් එක අයින් කරලා මැටි මඩක්කුවක් (හරි ඕනේ ඉටිගෙඩියක්) අරගෙන ඒකට දාන්න. දැන් බලන්න ඒකෙ මුකුත් අමතර අදාළ නොවෙන දේවල් නැත්තම් උණුවතුර වක් කරන්න හොඳට. ඒකටම ලුණු වතුර ටිකකුත් දාගත්තොත් තවත් හොඳයි.. දැන් ඕක වහල විනාඩි 5 කට විතර පැත්තකින් තියන්න තැම්බෙන්න.
    
    ඒ අතරේ තියනවා වැඩක්. ඔය මම කිව්වා රම්පෙ කරපිංචා, සුදු ළූණු, බී ළූණු, ගත්ත නම් ලීක්ස් වේලිච්ච මිරිස්, අමු මිරිස්, එහෙම හීනි කෑලි වලට කපා ගන්න. බී ළූණු කපද්දී දික් අතටයි හරස් අතටයි දෙකටම කපාගන්න. ලීක්ස්උනත් නිකම් කටට දැනෙන්න තියන ගානට කපාගන්න. නැත්තම් අපි කියන විදියට ලියාගන්න. කැත්ත පාවිච්චි කරලා පුරුදුයි නම් එක තමා මේ වැඩේට හොඳම. හරි දැන් ලියාගත්තනම් ඔකටම කාලි මිරිස් ටිකකුයි උම්බලකඩ ටිකයි ලුණු කුඩු පොඩ්ඩකුයි ඉහල එක පැත්තකින් තියන්න.

   හරි දැන් ඔය වැඩ ටික ඉවර වෙනකොට අර සෝයා ටික තැම්බිලා තියෙයි ගානට. එකෙන් වතුර පෙරලා අහක් කරලා, ආපහු සැරයක් ඇල් වතුරෙනුත් හෝදලා මිරිකලා ගන්න. තව දෙයක් කියන්නම්. සොයා තෝරනකොට අර මිරිස් කරල් වගේ දිග එව්වත් නැතුව පොඩි කඩල ඇට වගේ තියන එක හරි, ඊට ටිකක් ලොකු එක හරි ගන්න. ලොකු ඒවා ගත්ත නම් එකක් දෙකකට වගේ කඩාගන්න පොඩි වෙන විදියට.
  
    ඒ වැඩෙත් ඉවර නම් දැන් ඉතින් ලිප පත්තු කරලා ගන්න. මුලින්ම තාච්චිය (හරි ගත්ත එක) ලිපේ තියල, තෙල් මේස හැඳි 2ක් විතර දාල තාච්චිය වටේට තෙල් ටික ගාගන්න. රත් වෙද්දී අර අබ ටික දාන්න. එක පුපුරද්දී  ලීක්ස් ළූනු එහෙම මික්ස් එකත් එකටම දාල, ලා දුඹුරු පාට වෙනකල් බැදගන්න.මේ වැඩේට නම් ටිකක් මහන්සි වෙන්න වෙනවා. ටෙලිෆෝන් බලන්නයි ටීවී බලන ගමන් උයන්නයි ගියොත් නම් මේ ටික කර වෙනවා සිකුරුයි. මේක එක පැත්තක් විතරක් කර වෙන එක වලක්වගන්න හැම වෙලේම කූරුගාන්න ඕනේ. හරි ඒ ටික බැදුනම තෙල් හැන්දෙන් අරන් පැත්තකින් තියන්න. දැන් තව තෙල් චුට්ටක් අර තෙල් ටිකටම දාල සෝයා ටිකත් ටික ටික එකතු කර කර ගින්දර ලාවට තියල හැඳි ගාන්න. කූරු ගෑවත් කමක් නෑ හැබැයි මොන මගුල කරත් එක දිගට කරන්න සෝයා වලට තෙල් අල්ලගන්නකල්. නැත්තම් තාච්චිය හෝදන්න වෙනම යුද්දයක් කරන්න වෙයි ඇල්ලුවට පස්සේ ඕන්...
    ඕක ලාවට බැදීගෙන එද්දී ඉතුරු තෙල් ටික සහ සෝයා එකත් එක්ක මිශ්‍රණයක් හම්බුනා නම් එකත් අවශ්‍ය පමණට දාගන්න. මේ හැම එකක්ම කරද්දී ගින්දර ලාවට තියල කලවම් කල යුතුමයි...නැත්තම් ඔන්න තාච්චිය වැලි කඩදාසියෙන් මදින්න වේවි..

    හරි. දැන් ඕක දුඹුරු පාට වෙනකල් කබල් ගාන්න තියන්නේ.. ඒ ගානට ආවම, අර පැත්තකින් තියපු මිශ්‍රනයත් එකතු කරගෙන හොඳට කවලම් කරන්න. තව මදි වගේ නම් ලුණු කුඩු ටිකක් ඉහගත්තත් කමක් නෑ. ඕක කර වෙන්න ඔන්න මෙන්න ගානට එද්දී තියනවා නම් සෝස් ටිකකුත් දාල තව පොඩ්ඩක් කලවම් කරලා ගන්න. සෝස් නැති උනත් කමක් නෑ. හරියට ආවනම් කන්න පුළුවන්.මේක ඉතින් බයිට් එකකට උනත් අව්ලක් නෑ. මේ මම අද(2013-04-13) හදපු එක ලිපෙන් බාන්න මොහොතකට කලින්..

ලිපෙන් බාන්න මොහොතකට කලින්..

ලිපෙන් බෑවට පස්සේ තෙල්  ඉතිරි වෙලා තියේ නම්බහින්න ටිකක් කලවම් කරලා තාච්චියේ අයිනකට කරලා තියන්න..
ප/ලි-
   මේක මම හැදුවේ ගෑස් ලිපක. නමුත් වෙනද මම උයන්නේ දර ලිපේ. ඒක තරම් අද එක රස නැත්ද කියල මට හිතෙනවා.. කොහොම නමුත් මේක මම උයද්දී නම් ගොඩක්ම රසට ආවේ දර ලිපේ තමා..

ඔයාලට වගේ නෙවේ අපේ ලෝකෙට, ඒ කිව්වේ අඟහරු ලෝකෙට උදා අවුරුදු උදා වෙන්නේ ඔයාලගේ පෘථිවියේ දවස් 687කට වරක්! ඔයාලගේ දවසකුයි අපේ දවසකුයි ආසන්න වශයෙන් සමානයි. ඒ නිසා ඔයාලට වගේ ආසන්න දෙගුනෙක කාලයක් අපේ අව්රුද්දක් දිගයි.. ඉතින්, මේ ලැබුවා වූ අවුරුද්ද
ඉතා හොඳින්,
තොරව මතින්,
සතුට මැදින්,
කෑම කමින්
සමරනු ඇතැයි මම බලාපොරොත්තු වෙනවා!!!
ඔන්න ඉතින් මම අවුරුද්දට කලින් දවසේ ආවා කෑමකුත් අරගෙන! හදල බලල වැරදි, අඩුපාඩු කියන්නකෝ!!
එහෙමනම්, හැමෝටම, කෑමෙන් බීමෙන් අඩුවක් නැති, සුවෙන් සැපෙන් පිරි, සාමය සතුට ඉතිරෙන,,

                      සුභම සුභ නව වසරක් වේවා!!!!
කරන කියන සෑම සුභ කටයුත්තක්ම සර්වප්‍රකාරයෙන් සාර්ථක වේවා!!!
ජය වේවා!!!

12 comments:

  1. බලාගෙන ගියාම, අඟහරු ලෝකෙත් කන්නේ අපේ කෑමමනේ. උයන විදියත් ඒ වගේමයි. කොහොම උනත් අඟහරු ලෝකෝ පිරිමි ලමයි මෙච්චර පොඩි කාලේ ඉඳන් උයන්න පුරුදු වෙන එක ගැන නම් සතුටුයි. අඟහරු අම්මලා හොඳ ඇති.:D

    මොන ලෝකයක හිටියත් ඔයාට සුබ අලුත් අවුරුද්දක් වේවා!

    ReplyDelete
    Replies
    1. Angaharu wala api kanne nam mewwa newe.. Eth ithin kokaage gedara giyahama plain tea bonna wenne gurulenthuwen wage, mehe aawama mehe ewa kanna bonna epayi..
      Uyanna nam purudu une 4 wasare indan!
      Oyatath Subama Suba Nawa Wasarak Wewa!

      Delete
  2. ඔබටත් පවුලේ සැමටත් නිදුක් නිරෝගී වාසනාවන්ත සුබ අලුත් අවුරුද්දක් වේවා..!!

    කටට කෙල උනනවා... ඕක ඊයෙම කාපු නිසා හොඳා... නැත්නම් බඩේ අමාරුව තමයි

    ReplyDelete
    Replies
    1. Obatath Esema Wewa!
      Peesuda bade amaaru hadenne na..
      Meka mama damme awrudu 6ka experience 1n!

      Delete
  3. ඔබටත් පවුලේ සැමටත්, සාමය සතුට සෞභාග්‍යය පිරුණු සුබම සුබ අලුත් අවුරුද්දක් වේවා

    ReplyDelete
    Replies
    1. Sthuthyi me paththe awith comment karaata!
      Obatath esema wewa!

      Delete
  4. ඒ කියන්නේ ලංකාවේ කෑම අඟහරු ලෝකෙත් ජනප්‍රිය යි. මේක මම කලින් කාලා තිබුණා. හැබැයි හදන හැටි හරියට ම දැන ගත්තේ අද තමයි. පෘථිවි කොල්ලෝ ටිකක් අඟහරු කොල්ලන් ව ආදර්ශෙට අරගෙන දැන් තියා ම උයන්න පිහන්න ඉගෙන ගත්තා නං හොඳයි. :) කොහොම වුණත්, අඟහරුවටත් පවුලේ සැමටත් සුභ ම සුභ අලුත් අවුරුද්දක් වේවා!

    ReplyDelete
    Replies
    1. Oyatath esema wewa!
      Ow ow Lankaawa kiwwoth Neptune kaarayoth dannawa. Ekane mamath mehaatama path une :-)
      Uyanna nam purudu une saahenna podi kaale. Ow wow uwamanaawa thiye nam purudu unahama moko..?

      Delete
  5. මේකට අවශ්‍ය ද්‍රව්‍ය වලට, එක දෙයක් අඩුයි.

    මේක කන්න දීලා අත්හදා බලන්න සතුරෙක්.

    බොකෝ බොල මේ සිංගිරිස් වලින් කමෙන්ට් රිප්ලයි දාන්නේ? පිස්සු හැදනවා කියවගන්න ගියාම.

    ReplyDelete
    Replies
    1. Me dawas wala lap 1 na.. Ekata papuwe amaaruwak hadila. Heta thamayi hadanna aran yanne. Eeta passe Sinhalen daannam. Thawa post 2kuth hithe thiyanawa daannam hadaaganna puluwan unoth.

      Delete
  6. Ade angaharuloket lankasoy paket tyenwada??maaraiy ney :p :D

    ReplyDelete
    Replies
    1. නෑ බන් මේ දවස් ටිකේ මම තොපේ ලෝකේ ඉන්නේ. මෙහෙ තියන කටු තමා ඔය.

      Delete